Özbəkistan və Pakistan investisiya imkanlarını müzakirə edib
Pakistanın Qücranvala şəhərində Özbəkistanın Pakistandakı səfiri Tuxtayevin regiona səfəri çərçivəsində Özbək–Pakistan biznes forumu keçirilib. Tədbirdə tekstil, metallurgiya, dəri və ağac emalı sahələrini təmsil edən 70-dən çox pakistanlı sahibkar və şirkət rəhbəri iştirak edib.
Crossmedia.az bu barədə xarici mediaya istinadən xəbər verir.
Səfir Tuxtayev forum iştirakçılarını Özbəkistanda biznes aparmaq üçün yaradılan şərait, xarici investorlar üçün güzəştlər, vergi və gömrük imtiyazları, eləcə də ölkənin müasir infrastrukturu barədə məlumatlandırıb.
Forumun yekununda tərəflər 2026-cı ilin fevral ayında Pakistan biznes missiyasının Özbəkistana səfərinin təşkili və davamlı dialoqun qurulması barədə razılığa gəliblər.
Qeyd edək ki, bundan əvvəl Özbəkistan və Pakistan parlamentlərinin spikerləri strateji tərəfdaşlığın möhkəmləndirilməsini, həmçinin iki ölkənin xarici işlər nazirləri ikitərəfli münasibətlərin inkişafını müzakirə ediblər.
Günel Verdiyeva
10:36 15.12.2025
Oxunuş sayı: 1421
