Palmirada ABŞ qoşunlarına hücum: şübhəlilər həbs olunub
Palmirada ABŞ və Suriya hərbçilərinə hücumda şübhəli bilinən beş nəfər saxlanılıb.
Crossmedia.az "İzvestiya"-ya istinadən xəbər verir ki, əməliyyat beynəlxalq antiterror koalisiyasının kəşfiyyat xidmətləri və qüvvələri ilə koordinasiyalı şəkildə həyata keçirilib. Saxlanılanlar haqqında ətraflı məlumat verilməyib.
Məlumatda qeyd olunur ki, bir gün əvvəl Palmirada baş verən hücum nəticəsində yaralı Amerika əsgərləri helikopterlə Suriyanın cənubunda yerləşən Əl-Tanfdakı ABŞ hərbi bazasına təxliyə edilib. Pentaqon daha sonra İŞİD-ə qarşı əməliyyat zamanı iki ABŞ hərbçisi və bir mülki tərcüməçinin öldürüldüyünü açıqlayıb.
Beynəlxalq koalisiya qüvvələri Palmira ərazisində mümkün yaraqlı hücumu ilə bağlı xəbərdarlıqlara cavab verməyib.
Eyni gün ABŞ prezidenti Donald Tramp amerikalı hərbçilərin ölümündən sonra İŞİD-ə qarşı qisas tədbirləri görəcəyinə söz verib. Daha sonra Palmira üzərində iki F-16 qırıcı təyyarəsi havaya qalxıb.
23:58 14.12.2025
Oxunuş sayı: 1093
