Rusiya vətəndaşları Putinin birbaşa xəttinə 1,2 milyondan çox sual göndərib
Rusiya Prezidenti Vladimir Putinlə birbaşa xətt üçün edilən müraciətlərin sayı 1,2 milyonu ötüb.
Crossmedia.az “İzvestiya”-ya istinadən xəbər verir ki, Prezident bildirib: “Biz Rusiyanın bütün bölgələrindən daim zənglər alırıq. Məqsəd hər bir zəngə diqqətlə, lakin tez bir zamanda cavab vermək və hər kəsin Rusiya prezidentinə sual vermək imkanına malik olmasını təmin etməkdir”.
Sosial media, tətbiq, veb sayt, MAX Messenger, SMS və ya MMS vasitəsilə sual vermək mümkündür. Telefon zəngləri isə ən populyar üsul olaraq qalır. Çağrı mərkəzi agenti ilə həm səslə, həm də video vasitəsilə danışmaq mümkündür. Ən çox verilən suallar sosial siyasət, infrastruktur və mənzil məsələləri ilə bağlıdır, bu il isə neyron şəbəkələr də tez-tez müzakirə olunub.
Sorğuların qəbulu üçün platformalar 24/7 fəaliyyət göstərib. Çağrı mərkəzinin işçiləri üç növbədə, hər iki saatdan bir növbə ilə işləyib. Operatorlar bir vətəndaşla tək söhbətə orta hesabla 10-15 dəqiqə sərf edib. Ən çox müraciət Moskva, Sankt-Peterburq və Krasnodar diyarından daxil olub. 12 dekabrda müraciətlərin sayı 1 milyonu keçib.
Türkan Kərimli
23:15 14.12.2025
Oxunuş sayı: 1021
