FIDE Baş Assambleyası rusiyalı şahmatçıların yarışlara buraxılmasını təxirə salıb
Beynəlxalq Şahmat Federasiyası (FIDE) hüquqi məsləhətləşmələrə ehtiyac duyduğunu bildirərək Rusiya və Belarus şahmatçılarının beynəlxalq turnirlərə buraxılması ilə bağlı yekun qərarını təxirə salıb.
Crossmedia.az “İzvestiya”-ya istinadən xəbər verir ki, qərarı Federasiya prezidenti Arkadi Dvorkoviç dekabrın 14-də Baş Assambleyada açıqlayıb və səs yazısı FIDE-nin YouTube kanalında dərc edilib. Dvorkoviç bildirib: “Biz hüquqi məsləhətləşmələri davam etdiririk və həmkarlarımız iki qətnamə arasında səsvermə də daxil olmaqla təkliflər hazırlayırlar. Hələlik, gündəlikdəki digər məsələlərə keçəcəyik.”
Həmin günün əvvəlində FIDE Baş Assambleyası Rusiyanın bayrağı və himni ilə turnirlərdə iştirakına icazə verən səsvermə keçirib. Dekabrın 12-də FIDE Şurası rusiyalı şahmatçıların təşkilatın himayəsi altında komanda yarışlarında neytral oyunçu kimi iştirak etməsinə icazə verməyi təklif etmiş, Belarusda FIDE turnirlərinin keçirilməsinə qoyulan məhdudiyyətlərin aradan qaldırılmasını təklif etmişdi. Bundan əlavə, Rusiya və Belarus milli simvollarının yeniyetmə və əlil idmançılar üçün turnirlərə yenidən daxil edilməsi məsələsi də müzakirə olunub.
22:54 14.12.2025
Oxunuş sayı: 995
