Lavrov NATO ilə bağlı 2021-ci il tələblərinə qayıdışı gündəmə gətirdi
Rusiya xarici işlər naziri Sergey Lavrov çıxışında Moskvanın Finlandiya və İsveçin NATO-ya üzvlüyünü yenidən mübahisələndirmək niyyətində olduğunu bildirib.
Crossmedia.az xəbər verir ki, bu, Rusiyanın 2021-ci ilin dekabrında NATO və ABŞ-a təqdim etdiyi, lakin Qərb tərəfindən qəbul edilməyən ultimatumların faktiki bərpası kimi qiymətləndirilir.
Həmin tələblərə NATO-nun 1997-ci il sərhədlərinə qayıtması, ABŞ qoşunlarının Şərqi Avropadan çıxarılması və postsovet məkanında alyansın genişlənməməsinə dair yazılı təminatlar daxil idi. Moskva daha sonra bu tələblərin rədd edilməsini Ukraynaya müdaxiləyə əsas kimi göstərmişdi.
Səriyyə Tağıyeva
17:12 14.12.2025
Oxunuş sayı: 1421
