İran XİN AEBA rəhbərliyini qərəzli mövqedə ittiham edib
İran Xarici İşlər Nazirliyinin sözçüsü İsmayıl Bəqayi Atom Enerjisi üzrə Beynəlxalq Agentliyin (AEBA) baş direktoru Rafael Qrossini sərt tənqid edib. O bildirib ki, Qrossi eyni açıqlamaları təkrarlayır və real faktları nəzərə almır.
Crossmedia.az xəbər verir ki, Bəqayinin sözlərinə görə, AEBA rəhbərliyinin İranın dinc nüvə obyektlərinə ABŞ və İsrail tərəfindən edilən hücumları gündəmə gətirməməsi təəssüf doğurur.
XİN rəsmisi vurğulayıb ki, birtərəfli yanaşma problemin həllinə imkan vermir və Qrossi siyasi bəyanatlardan uzaq duraraq məsələyə texniki və peşəkar çərçivədə yanaşmalıdır.
16:55 14.12.2025
Oxunuş sayı: 1391