AEBA: İranın nüvə proqramı üçün davamlı həll axtarılır
Atom Enerjisi üzrə Beynəlxalq Agentliyin (AEBA) baş direktoru Rafael Qrossi bildirib ki, qurum İranın nüvə proqramı ilə bağlı davamlı həll yolu tapmaq üçün səylərini davam etdirir.
Crossmedia.az xarici KİV-ə istinadən xəbər verir ki, Qrossi Argentina mətbuatına verdiyi müsahibədə Tehranın nüvə proqramı ilə bağlı beynəlxalq məsləhətləşmələr apardıqlarını və AEBA-nın İran, Avropa ölkələri, Rusiya və Çin rəsmiləri ilə daimi təmasda olduğunu qeyd edib.
O vurğulayıb ki, “12 günlük müharibə”dən sonra yaranmış vəziyyət hələ də tam həll olunmayıb. Qrossi əlavə edib ki, İranın təxminən 400 kiloqram 60 faiz zənginləşdirilmiş uran ehtiyatı var və bu səviyyə hərbi dərəcəyə yaxın hesab olunur.
15:22 14.12.2025
Oxunuş sayı: 1386
