Ukrayna hərbçiləri Kupyansk boru kəmərini məhv edib
Ukrayna hərbçiləri rusların gizli şəkildə Kupyansk şəhərinə sızmaq üçün istifadə etdiyi boru kəmərini məhv ediblər. Bu marşrut ruslara atəş nəzarətindən yayınaraq qüvvə toplamağa imkan verirdi.
Crossmedia.az xarici KİV-ə istinadən xəbər verir ki, Axilles Alayı Müdafiə Qüvvələrinin bitişik bölmələri ilə birlikdə üç ton partlayıcı maddədən istifadə edərək boru kəmərini sıradan çıxarıb.
Bildirilir ki, bir gün əvvəl, 12 dekabrda Ukrayna qüvvələri Oskol çayına doğru irəliləyərək düşmənin təchizat xətlərini kəsib və Kondraşovka, Radikovka və Kupyanskın şimalındakı bir neçə məhəlləni azad edib. Korpus şəhərə quru yolu ilə girişin tamamilə kəsildiyini və boru kəmərinin bütün çıxışlarına atəş nəzarətinin təmin edildiyini açıqlayıb.
15:05 14.12.2025
Oxunuş sayı: 1305
