Xarici xəbərlər
ABŞ Belarus-Litva gərginliyinin azalmasına çalışır
ABŞ prezidentinin Belarus üzrə xüsusi elçisi Con Koul bildirib ki, Vaşinqton Belarus və Litva arasında münasibətlərin normallaşdırılması istiqamətində səylər göstərir.
Crossmedia.az xarici KİV-ə istinadən xəbər verir. Onun sözlərinə görə, Belarus prezidenti Aleksandr Lukaşenko Litvaya qarşı hava məkanında təxribatlara son qoyacağına dair öhdəlik götürüb.
Koul qeyd edib ki, buna baxmayaraq Litva tərəfi sanksiyaların qüvvədə qalacağını açıqlayıb. Eyni zamanda mediada yayılan məlumatlara əsasən, ABŞ Belarusun Rusiyanın Ust-Luqa limanından asılılığını azaltmaq məqsədilə Litvanın Klaypeda limanı vasitəsilə ixracın bərpası imkanlarını müzakirə edir.
ABŞ rəsmisinin vurğuladığına görə, bu addımlar regionda gərginliyin azalmasına və tərəflər arasında dialoqun bərpasına xidmət edə bilər.
14:22 14.12.2025
Oxunuş sayı: 1990
