Rusiya gecə ərzində 235 Ukrayna PUA-sını məhv edib
Rusiya Müdafiə Nazirliyinin məlumatına görə, gecə saatlarında ölkə ərazisi üzərində 235 Ukraynaya məxsus təyyarə tipli pilotsuz uçuş aparatı (PUA) ələ keçirilib və məhv edilib.
Crossmedia.az-ın TASS-a istinadən verdiyi xəbərə görə, Nazirliyin açıqlamasında bildirilib ki, dekabrın 13-ü Moskva vaxtı ilə saat 20:00-dan 23:00-dək növbətçi hava hücumundan müdafiə sistemləri 94 PUA-nı zərərsizləşdirib. Dekabrın 13-ü saat 23:00-dan 14-ü saat 07:00-dək isə daha 141 Ukrayna PUA-sı məhv edilib.
Məlumata əsasən, vurulan pilotsuz uçuş aparatlarından 35-i Bryansk vilayəti, 32-si Krım Respublikası, 22-si Krasnodar vilayəti, 15-i Tula vilayəti, 13-ü Kaluqa vilayəti, 7-si Kursk vilayəti üzərində qeydə alınıb. Bundan əlavə, 4 PUA Ryazan, 4 PUA Rostov, 3 PUA Belqorod, 2 PUA Leninqrad vilayəti üzərində, eləcə də hərəsi bir olmaqla Smolensk, Pskov, Novqorod və Moskva vilayətləri üzərində məhv edilib.
Hazırda insidentlərlə bağlı əlavə məlumat verilməyib.
11:29 14.12.2025
Oxunuş sayı: 1330
