Xarici xəbərlər
KXDR raket proqramını genişləndirir: Sohə kosmodromunda yenilənmə gedir
Şimali Koreyanın raket proqramında yeni irəliləyiş müşahidə olunub. NK News-un yayımladığı peyk görüntüləri Sohə kosmodromunda bərk yanacaqlı raket mühərriklərinin sınaqları üçün istifadə olunan üfüqi sınaq stendinin genişləndirildiyini göstərir.
Crossmedia.az xarici KİV-ə istinadən xəbər verir ki, stendin damı böyüdülüb ki, bu da daha güclü raket mühərriklərinin sınaqdan keçirilməsinə imkan yaradır.
Ekspertlər hesab edirlər ki, bu addım KXDR-in mövcud texnoloji imkanlarının hələ son hədd olmadığını və yaxın gələcəkdə daha güclü hərbi və kosmik raketlərin təqdim oluna biləcəyini göstərir.
20:17 13.12.2025
Oxunuş sayı: 1041
