Zəngəzur dəhlizi təkcə türk dünyası üçün yox, bütün region üçün tarixi əhəmiyyət daşıyır - Ömüraliyev
Zəngəzur dəhlizi təkcə türk dövlətləri üçün deyil, bütün region və hətta dünya üçün böyük əhəmiyyət daşıyır. Bunu Bakıda TÜRKPA-ya üzv ölkələrin əmək və sosial müdafiə nazirlərinin ilk iclasında Türk Dövlətləri Taşkilatının baş katibi Kubanıçbek Ömüraliyev bildirib.
Crossmedia.az xəbər verir ki, onun sözlərinə görə, Zəngəzur dəhlizi qədim İpək yolunun əsas istiqamətlərindən biridir və türk dövlətlərinin birbaşa Qərbə çıxışını təmin edir.
“Bu baxımdan Zəngəzur dəhlizi yalnız Azərbaycan və türk dünyası üçün deyil, həmçinin bütün region, o cümlədən Qərb, Avropa və hətta Ermənistan üçün önəmlidir. Bu il avqustda Vaşinqtonda Azərbaycan və Ermənistan liderləri arasında əldə olunan razılaşmanı yüksək qiymətləndirirəm. Bu, tarixi addımdır”, - Ömüraliyev vurğulayıb.
Baş katib həmçinin Bakıda təşkil olunan TÜRKPA ölkələrinin əmək, məşğulluq və sosial müdafiə nazirlərinin ilk görüşünün əhəmiyyətinə toxunub. O deyib ki, bu sahədə əməkdaşlıq davamlı olaraq güclənir və real nəticələr verir.
“Qardaş ölkələr arasında əməkdaşlıq möhkəmlənir və vətəndaşlarımız həm öz ölkələrində, həm də digər qardaş dövlətlərdə fəal şəkildə çalışırlar”, - Ömüraliyev qeyd edib.
Sevinc Yarməmmədova
15:55 05.12.2025
Oxunuş sayı: 1717
