Azərbaycan kikboksçuları WAKO dünya çempionatında 12 medalla qayıtdı
21–30 noyabr tarixlərində Abu-Dabidə kikboksinq üzrə WAKO dünya çempionatı keçirilib.
Crossmedia.az-ın məlumatına görə, bu barədə Azərbaycan Kikboksinq Federasindan bildirilib.
Məlumata əsasən, Azərbaycan komandası 6 qızıl, 1 gümüş və 5 bürünc medal qazanıb. Bildirilib ki, turnirdə 85 ölkədən 1637 idmançını iştirak edib.
Qızıl medalı Əli Hüseynov, Surət Qarayev, Elvin Məmmədov, Rafiq Babazadə, eləcə də iki fərqli versiyada Eduard Məmmədov qazanıblar. Gümüş medal sahibi Məhəmməd Əliyev olub. Bürünc medalı isə Vüsal Kazımov, Vüqar Məmmədov, Məhəmməd İmanov, Rinat Qiyasov və Musa Abdullayev qazanıblar.
10:20 30.11.2025
Oxunuş sayı: 1788
