Eduard Məmmədov Əbu-Dabidə keçirilən dünya çempionatında iki qızıl medal qazanıb
Kikboksinq üzrə Dünya və Avropa çempionu Eduard Məmmədov 21-30 noyabr tarixlərində Əbu-Dabidə keçirilən kikboksinqin WAKO versiyası üzrə Dünya çempionatında iki qızıl medal qazanıb.
Crossmedia.az xəbər verir ki, "Master Class" kateqoriyasında 63 kq çəki dərəcəsində kikboksinqin "Light Contact" və "Kick Light" növlərində yarışlara qatılan E.Məmmədov hər iki versiya üzrə iki qızıl medal qazanıb.
"Light Contact" növündə Böyük Britaniyanın Singh Gurmare, Portuqaliyanın Cortes Emanuel, İtaliyanın Simone Calogeronu, "Kick Light" növündə isə İsveçli Ahlvarsson Ola, Kanadalı Gallant Benjamin, İtaliyanı bu növdə də təmsil edən Simone Calogero üzərində qalib gəlib.
Beləliklə, Azərbaycan Respublikası Daxili İşlər Nazirliyinin İdman Cəmiyyətinin İdman-təlim şöbəsinin rəisi, polis polkovnik-leytenantı, Azərbaycan kikboksinq Fedarasiyasının vitse-prezidenti ümümən Wako üzrə 10-cu dəfə dünya çempionu olub
10:17 28.11.2025
Oxunuş sayı: 1318
