Tuluz Azərbaycan Evində səyyar konsulluq xidməti təşkil edilib
Fransanın Tuluz şəhərində fəaliyyət göstərən Azərbaycan Evində soydaşlarımız üçün növbəti səyyar konsulluq xidməti təşkil edilib.
Crossmedia.az xəbər verir ki, Azərbaycan Respublikasının Fransa Respublikasındakı Səfirliyinin həyata keçirdiyi xidmət çərçivəsində soydaşlarımızın pasport rəsmiləşdirilməsi üzrə müraciətləri qəbul edilib, sənədlərin işlənməsi üçün zəruri prosedurlar yerinə yetirilib. Bununla yanaşı, konsulluq məsələləri üzrə suallar cavablandırılıb, hüquqi-prosedur qaydaları barədə ətraflı məlumat verilib.
Soydaşlarımız səyyar konsulluq xidmətinin təşkilini yüksək qiymətləndirib, bu kimi tədbirlərin bölgələrdə yaşayan Azərbaycan icmasının işlərini xeyli asanlaşdırdığını vurğulayıblar.
Azərbaycanın Fransadakı Səfirliyi səyyar xidmətin həyata keçirilməsinə göstərdiyi dəstəyə görə Tuluz Azərbaycan Evinə minnətdarlığını bildirib.
21:30 26.11.2025
Oxunuş sayı: 1607
