Pakistan donanmasına Çin istehsallı sualtı qayıq əlavə edir
Pakistan və Çin arasında hərbi-texniki əməkdaşlıq yeni mərhələyə qədəm qoyur. Pakistan Hərbi Dəniz Qüvvələrinin komandanı admiral Navid Aşrafın Çin dövlət mediasına verdiyi açıqlamaya görə, Çində istehsal edilən ilk Hangor tipli sualtı qayıq artıq tamamlanmaq üzrədir və 2025-ci ildə Pakistan donanmasının tərkibinə daxil olacaq. Saziş çərçivəsində İslamabad ümumilikdə səkkiz ədəd sualtı qayıq əldə etməyi planlaşdırır və prosesin 2028-ci ilədək tam yekunlaşacağı gözlənilir. Analitiklər bu addımı Pakistanın Hind okeanında patrul və müdafiə imkanlarını gücləndirməsi, eləcə də Pekinin bölgədə – xüsusən Hindistana qarşı strateji üstünlüyünü artırması baxımından mühüm geosiyasi hadisə kimi qiymətləndirirlər.
Crossmedia.az xarici mediaya istinadən bildirir ki, “Pakistan Hərbi Dəniz Qüvvələrinin komandanı admiral Navid Aşrafın Çin dövlət mediasına açıqlamasına görə, ölkənin Çində istehsal edilən ilk sualtı qayığı gələn il hərbi donanmanın tərkibinə daxil ediləcək. Bu addım Çinin regional rəqibi Hindistana qarşı mövqelərini gücləndirməsi və Yaxın Şərqdə nüfuzunu artırması kontekstində qiymətləndirilir”.
Admiral Aşraf Global Times qəzetinə müsahibəsində bildirib ki, Pakistanın 2028-ci ilə qədər ümumilikdə səkkiz ədəd Hangor tipli (yenidən işlənmiş Çin layihəsi 039B) sualtı qayıq əldə etməsini nəzərdə tutan müqavilə “rəvan şəkildə irəliləyir”. Onun sözlərinə görə, yeni sualtı qayıqlar Pakistanın Şimal Ərəb dənizi və Hind okeanında patrul imkanlarını əhəmiyyətli dərəcədə artıracaq.
Zeynəb Xuduyeva
22:45 19.11.2025
Oxunuş sayı: 1155
