Azərbaycan şahmat millisi dünya çempionatında daha iki görüş keçirəcək
Azərbaycanın qadın şahmatçılardan ibarət millisi İspaniyanın Linares şəhərində təşkil olunan dünya çempionatında bu gün növbəti görüşlərini keçirəcək.
Crossmedia.az-ın məlumatına görə, yığma III turda ABŞ, IV turda FIDE komandası ilə üz-üzə gələcək.
A qrupunda FIDE kollektivi 4 xalla liderdir. Azərbaycan, Qazaxıstan, İspaniya və ABŞ-nin 2 xalı var. Peru isə xalsızdır.
Qeyd edək ki, Azərbaycan millisi ötən gün Perunu məğlub edib (3:1), Qazaxıstana isə uduzub - 1,5:2.5.
Millinin heyətində Ülviyyə Fətəliyeva, Gövhər Beydullayeva, Xanım Balacayeva, Gülnar Məmmədova və Ayan Allahverdiyeva yer alıb. Komandanın kapitanı İlahə Qədimovadır.
Qeyd edək ki, dünya çempionatı noyabrın 23-də başa çatacaq.
10:17 19.11.2025
Oxunuş sayı: 1220
