ABŞ Venesuelanı nüfuzdan salmaq üçün yalan kampaniya aparır- Maduro
Venesuela prezidenti Nikolas Maduro bildirib ki, Amerika Birləşmiş Ştatları Venesuelanı nüfuzdan salmaq üçün kampaniya başladıb və bunun üçün yalan məlumatlardan istifadə edir.
Bu barədə Crossmedia.az Venezolana de Television telekanalına istinadən xəbər verir.
“Amerika imperiyası Venesuelanı və Bolivar inqilabını gözdən salmaq üçün kampaniya başladıb. Məqsəd ölkəmizə qarşı istənilən addımı əsaslandırmaqdır”,– deyə Venesuela prezidenti açıqlamasında bildirib.
“Onlar deyə bilmədilər ki, guya Maduro kütləvi qırğın silahlarına, bioloji və kimyəvi silahlara malikdir, ya da Venesuela nüvə silahı hazırlayır. Buna görə də indi ABŞ xalqının belə inanmadığı yalan məlumatlar yayırlar”,– Maduro əlavə edib.
Türkanə Məşədiyeva
09:55 13.11.2025
Oxunuş sayı: 1371
