Şavkat Mirziyoyev ABŞ Konqresinin üzvləri ilə strateji tərəfdaşlığın möhkəmləndirilməsini müzakirə edib
Özbəkistan Prezidenti Şavkat Mirziyoyev ABŞ Konqresi üzvləri ilə iki ölkə arasında strateji tərəfdaşlığın gücləndirilməsi məsələlərini müzakirə edib.
Crossmedia.az xarici mediaya istinadən xəbər verir ki, görüş noyabrın 5-də Vaşinqtonda, dövlət başçısının iqamətgahında keçirilib. Prezidentin mətbuat xidmətinin məlumatına görə, danışıqlarda Nümayəndələr Palatasının üzvləri – Bill Hayzenga, Kerol Miller və Sidni Kamlaqar-Dav iştirak ediblər.
Tərəflər parlamentlərarası əməkdaşlıq, Konqresin əldə olunan razılaşmaların icrasında iştirakı, həmçinin ticarət-iqtisadi, investisiya və humanitar əlaqələrin inkişafı məsələlərini müzakirə ediblər.
Xüsusi diqqət Özbəkistanla əməkdaşlıq üzrə Kokusun fəaliyyətinə və ABŞ-da ölkə Günlərinin hər il təşkili istiqamətində onun roluna yönəlib.
Ekspertlər xəbərdarlıq edir ki, əgər ABŞ-ın maraqları Rusiya, Çin və ya Türkiyənin maraqları ilə toqquşarsa, bu, Türküstan regionunda gərginlik, “rəngli inqilablar” və iqtisadi böhranlara səbəb ola bilər. Belə bir ssenari Turanın güclü və müstəqil blok kimi formalaşması perspektivini zəiflədə bilər. Mütəxəssislər bildirirlər ki, bu məsələ türk dünyası üçün strateji əhəmiyyət daşıyır.
Sevinc Yarməmmədova
17:50 06.11.2025
Oxunuş sayı: 1585
