İqtisadi xəbərlər

Hesablama Palatası İTSF-yə büdcədən ayırmanın azalmasına aydınlıq gətirib

Dövlət büdcəsindən büdcədənkənar dövlət fondlarına ayırmalar üzrə İcbari Tibbi Sığorta Fonduna ayrılan vəsaitdə əhəmiyyətli azalma proqnozlaşdırılıb.

Crossmedia.az xəbər verir ki, bu, “Azərbaycan Respublikasının 2026-cı il dövlət büdcəsinin layihəsinə Azərbaycan Respublikası Hesablama Palatasının rəyi”ndə əksini tapıb.

Qeyd edilib ki, əvvəlki illərdən fərqli olaraq, növbəti ildə İTSF-ə ayrılması proqnozlaşdırılan 900,0 mln. manatın tamamilə əhalinin icbari tibbi sığortalanması üzrə xərclərə yönəldiləcəyi nəzərdə tutulur. Başqa sözlə, növbəti ildə İTSF-ə ayrılan vəsaitin tərkibində sığorta məqsədi ilə bağlı olmayan dövlət öhdəliklərinin (səhiyyə sahəsində bir sıra məqsədli tədbirlərin) maliyyələşdirilməsi ilə bağlı xərclər yer almayıb. Bu, 2026-cı ildə bir sıra dövlət proqramı və tədbirlər üzrə xərclərin icrasının İcbari Tibbi Sığorta Fondunun vəsaitləri hesabına həyata keçiriləcəyi ilə bağlıdır.