Netanyahu məhkəməni yenidən təxirə salmaq üçün yeni səbəb tapdı
İsrailin baş naziri Benyamin Netanyahu günün sonuna qədər bütün görüşlərini, o cümlədən məhkəmə iclasını ləğv edib. Səbəb kimi isə bronxit xəstəliyini göstərib.
Crossmedia.az xəbər verir ki, bu barədə The Times of Israel nəşri məlumat yayıb.
Netanyahu bildirib ki, həkimi ona “bir neçə gün istirahət etməyi və ya ən azı iş saatlarını azaltmağı” tövsiyə edib.
Xatırladaq ki, Netanyahunun barəsində rüşvət alma, dələduzluq və etimaddan sui-istifadə ittihamları ilə cinayət işi açılıb. O, ifadə verməyə 2024-cü ilin dekabrında başlayıb, lakin məhkəmə prosesi dəfələrlə müxtəlif səbəblərlə dayandırılıb və ya təxirə salınıb.
Fatimə Məmmədova
18:20 15.10.2025
Oxunuş sayı: 881
