Pakistan Əfqanıstanın Qəndəhar vilayətinə zərbə endirib
Pakistan Silahlı Qüvvələri Əfqanıstanın Qəndəhar vilayətinə “dəqiq zərbələr” endirib.
Crossmedia.az xarici mətbuata istinadən xəbər verir ki, zərbələr iki ölkə arasındakı sərhəddə gərgin döyüşlərin fonunda həyata keçirilib.
Təhlükəsizlik xidmətindəki mənbələrə istinadən X sosial şəbəkəsində yayılan bəyanatda bildirilir: "Pakistan ordusu əfqan taliblərinin təxribatlarına cavab olaraq onların əsas sığınacaqlarını məhv edib. Ordu Əfqanıstan taliblərinin mühüm mövqelərinə uğurlu zərbələr endirib.”
Məlumata əsasən, hava zərbələri Əfqanıstanın Qəndəhar vilayətində həyata keçirilib. Nəticədə taliblərin 4-cü batalyonu və 6-cı sərhəd briqadası tamamilə məhv edilib. Onlarla əcnəbi və əfqan döyüşçü öldürülüb.
Bəyanatda həmçinin vurğulanır ki, Pakistan ordusu “istənilən xarici təcavüzə qarşı tam və qətiyyətli cavab vermək imkanına malikdir”.
Zeynəb Xuduyeva
17:24 15.10.2025
Oxunuş sayı: 931
