Britaniya parlamentində “Shahed” dronu nümayiş etdirildi
Dünən Polşanın xarici işlər naziri Radoslav Sikorski Britaniya parlamentində çıxışı zamanı Ukraynada vurulmuş İran istehsalı “Shahed-136” pilotsuz uçuş aparatını (PUA) nümayiş etdirib. O, bu addımla Rusiyanın Avropaya artan təhdidinə diqqət çəkib və birgə müdafiə tədbirlərinə çağırıb.
Crossmedia.az-ın məlumatına görə, Sikorski bildirib ki, Avropanın şərq sərhədlərində müdafiə sistemləri və “dron divarı” qurulmazsa, bu məsuliyyətsizlik olar. Onun sözlərinə görə, Avropa ölkələri Ukraynaya dəstəyi davam etdirməli, ABŞ isə Kiyevi “Tomaqavk” kimi uzaqmənzilli raketlərlə təmin etməlidir.
Nazir, habelə, vurğulayıb ki, Rusiya yalnız Ukrayna ilə kifayətlənməyərək Avropanın dərinliklərinə hücum edə bilər və bu təhlükəyə qarşı hazırlıqlı olmaq vacibdir. Onun sözlərinə görə, Ukrayna müharibəni üç illik plan əsasında aparır və Avropa da uzunmüddətli dəstəyə hazır olmalıdır.
16:09 15.10.2025
Oxunuş sayı: 1034
