Təbiətin intiqamı: Urmu gölü ətraf şəhərləri boğur
Qərbi Azərbaycan əyalətinin Sulduz (Nəqədə) bölgəsində duz qasırğası müşahidə olunub. Sosial şəbəkələrdə yayılan görüntülər Urmu gölünün qurumuş yatağından qalxan duz qasırğasının bölgəni ağ örpəyə bürüdüyünü göstərir.
Crossmedia.az-ın məlumatına görə, ekoloqlar xəbərdarlıq edirlər ki, gölün tam quruması artıq ciddi ekoloji fəlakətə çevrilib. Duz və toz qasırğaları həm əhalinin sağlamlığına, həm də kənd təsərrüfatına ciddi zərər vurur.
Ekofəallar bildirirlər ki, bərpa layihələrinin nəticə verməməsi Urmu gölünü “ölü göl”ə çevirib. Əgər vəziyyət belə davam etsə, duz tufanları İranın digər bölgələrinə də yayıla bilər.
16:03 15.10.2025
Oxunuş sayı: 6411
