Ərdoğan: Netanyahu sammitə qatılarsa, Misiri tərk edəcəyəm
Türkiyə Prezidenti Rəcəb Tayyib Ərdoğan bildirib ki, əgər İsrailin Baş naziri Benyamin Netanyahu Qəzza ilə bağlı Misirdə keçirilən sülh sammitində iştirak edərsə, o, dərhal ölkəni tərk edəcək.
Crossmedia.az xəbər verir ki, bu barədə Türkiyə mətbuatı məlumat yayıb.
Belə ki, Ərdoğan Şarm-əş-Şeyxə uçuş zamanı Netanyahunun sammitdə iştirak edə biləcəyi barədə məlumat alıb və təşkilatçılara xəbərdarlıq edib ki, bu halda dərhal Ankaraya qayıdacaq.
Daha sonra İsrail Baş nazirinin tədbirə qatılmayacağı təsdiqlənib və Türkiyə lideri səfərini davam etdirib.
Bildirilir ki, ABŞ prezidenti Donald Tramp Netanyahunun sammitdə iştirakına nail olmağa çalışıb. Lakin İraq da daxil olmaqla bir sıra ölkələr buna qarşı çıxaraq boykotla hədələyib. Nəticədə Misir Netanyahuya rəsmi dəvət göndərməyib.
Qeyd edək ki, İsrail Baş nazirinin sammitə qatılmaması Ərdoğanın sərt mövqeyinin nəticəsi olub.
Fatimə Məmmədova
19:00 13.10.2025
Oxunuş sayı: 1409
