Misirdə beynəlxalq Sülh Sammiti başlayıb
Misirin Şarm əl-Şeyx şəhərində Yaxın Şərqdə sülhün bərpasına həsr olunan beynəlxalq sammitə start verilib. Belə ki,tədbirə Misir Prezidenti Əbdülfəttah əs-Sisi və ABŞ Prezidenti Donald Tramp həmsədrliy edir.
Crossmedia.az xəbər verir ki, bu barədə xarici KİV məlumat yayıb.
Qeyd edək ki, sammitdə 20-dən çox ölkənin liderləri iştirak edir. Onlar arasında Azərbaycan Prezidenti, İordaniya kralı, Qətər əmiri, Küveytin baş naziri, Bəhreyn kralı, Fələstin rəhbəri, həmçinin Türkiyə, İndoneziya, Fransa, Kipr prezidentləri və Almaniya kansleri də var.
Bundan başqa, Böyük Britaniya, İtaliya, İspaniya, Yunanıstan, Ermənistan, Macarıstan, Pakistan, Kanada, Norveç və İraqın hökumət başçıları, eləcə də Birləşmiş Ərəb Əmirliklərinin vitse-prezidenti sammitə qatılıb.
Həmçinin toplantıda BMT-nin baş katibi, Ərəb Dövlətləri Liqasının baş katibi, Avropa Şurasının sədri, Oman xarici işlər naziri, Hindistan XİN nümayəndəsi və Yaponiyanın Qahirədəki səfiri də iştirak edir.
Fatimə Məmmədova
15:15 13.10.2025
Oxunuş sayı: 8749
