Qəzzada İsrailin hava hücumlarından ölənlərin sayı artıb
Qəzza Mülki Müdafiə komandaları son saatlarda İsrail hava hücumları nəticəsində dağılan binalardan 116 meyit çıxarıb.
Crossmedia.az xəbər verir ki, bu barədə Fələstin Səhiyyə Nazirliyi məlumat yayıb.
Məlumatda qeyd olunur ki, atəşkəsdən əvvəl İsrail hücumlarında 35 nəfər həlak olub, əlavə 72 nəfər isə xəstəxanaya yerləşdirilib. 7 oktyabr 2023-cü ildən etibarən Qəzza Zolağında öldürülənlərin ümumi sayı 65,682 nəfərə çatıb, 170,000-dən çox insan isə yaralanıb.
Sivil Müdafiə sözçüsü Mahmud Bassal bildirib ki, Qəzza şəhərində axtarış-xilasetmə əməliyyatları davam edir və hazırda 9,500 nəfərin itkin olduğu bildirilir. O əlavə edib ki, İsrail ordusunun döyüş əməliyyatlarını dayandırmasından sonra 500,000-dən çox fələstinli Şimal Qəzzaya geri dönüb.
23:45 11.10.2025
Oxunuş sayı: 732
