Rusiya ABŞ ilə Strateji Silahların Azaldılması Müqaviləsinin uzadılmasına açıq qapı saxlayır
Rusiya ABŞ-lə dialoqda Strateji Hücum Silahlarının Azaldılması Müqaviləsinin uzadılması üçün imkan pəncərəsini açıq saxlayır.
Crossmedia.az xəbər verir ki, bu barədə Rusiya Xarici İşlər Nazirliyinin silahların yayılmaması və nəzarəti departamentinin direktoru Oleq Postnikov məlumat verib.
Onun sözlərinə görə, bu addım Moskvanın nüvə dövlətləri arasında sabitliyin qorunmasına və strateji dialoqun bərpasına töhfəsidir.
Postnikov xatırladıb ki, Prezident Vladimir Putin sentyabrın 22-də Rusiya tərəfinin müqavilə müddəti başa çatdıqdan sonra da ən azı bir il ərzində əsas məhdudiyyətlərə könüllü şəkildə əməl etməyə hazır olduğunu bəyan edib.
ABŞ lideri Donald Tramp bu təklifi “yaxşı ideya” adlandırsa da, Vaşinqtondan hələlik rəsmi reaksiya verilməyib.
Türkan Kərimli
22:11 11.10.2025
Oxunuş sayı: 10320
