ABŞ hərbi komandanlığı Qəzza sektorunda birbaşa mövcud olmayacaq
ABŞ-nin Mərkəzi Komandanlığı rəhbəri, admiral Brad Kuper Qəzza sektoruna səfər edib və ABŞ hərbçilərinin sülh sazişlərinin həyata keçirilməsi üçün birbaşa ərazidə yerləşdirilməyəcəyini təsdiqləyib.
Bu barədə Crossmedia.az TASS-a istinadən xəbər verir.
Qeyd olunub ki, bunun əvəzinə, CENTCOM rəhbərliyi altında vətəndaş-hərbi əməkdaşlıq Mərkəzinin yaradılması planlaşdırılır. Bu mərkəz post-münaqişə sabitliyinin təmin olunmasına yönəlmiş səyləri koordinasiya edəcək, lakin ABŞ hərbçilərinin Qəzza sektorunda birbaşa mövcudluğu olmayacaq.
Admiral Kuper ilə birlikdə ABŞ prezidenti Donald Trampın xüsusi nümayəndəsiu Stiven Vitkoff hərbi bazanı ziyarət edərək, qoşunların geri çəkilməsi barədə razılaşmanın yerinə yetirildiyinə əmin olublar. Hər ikisi artıq İsrailə qayıdıb.
ABŞ Ağ Evinin mətbuat katibi Kerolayn Livitt daha əvvəl bildirib ki, Qəzza sektorunda atəşkəs razılaşmalarına nəzarət beynəlxalq missiya çərçivəsində həyata keçiriləcək. Bu missiyaya Yaxın Şərqdə artıq yerləşdirilmiş 200 ABŞ hərbçisi daxildir. Eyni zamanda, missiyada Misir, Qətər, Türkiyə və ehtimal ki, BƏƏ hərbçiləri də iştirak edəcək.
Mehriban İbrahimli
22:38 11.10.2025
Oxunuş sayı: 8348
