Pezeşkian qadınların hicab taxmağa məcbur edilməsinə qarşı olduğunu bildirib
İran Prezidenti Məsud Pezeşkian qadınların hicab taxmağa məcbur edilməsinə qarşı olduğunu bildirib.
Crossmedia.az xəbər verir ki, İran Prezidenti bunu NBC News telekanalına verdiyi müsahibədə bildirib.
“İnsanların seçim hüququ var”, — deyə Pezeşkian NBC-nin “Axşam xəbərləri” proqramının aparıcısı Tom Lamasın sualına cavab olaraq bildirib. Sual İranda əxlaq polisi tərəfindən saxlanıldıqdan sonra vəfat edən Mahsa Amini barədə idi. Onun ölümü üç il əvvəl bütün ölkə üzrə etirazlara səbəb olmuşdu.
“Biz daxili problemlərimizi və onların həllini lazımi şəkildə idarə edə bilmədik”, — deyə o əlavə edib.
O həmçinin bildirib ki, dünya ictimaiyyəti bu vəziyyəti “şişirdib ifrata çatdırır”.
“Əlbəttə, hər bir insan həyatı qiymətsizdir, — deyə o vurğulayıb. — Amma Livanda, Qəzzada, bütün Fələstində, Yəməndə və Suriyada hər gün yüzlərlə insan ölür və heç kim buna reaksiya vermir? Niyə? Onlar daha az insan sayılır?”
Səbiyyə Zayirova
13:12 27.09.2025
Oxunuş sayı: 3694
