Pezeşkian: İran nüvə silahı əldə etmək istəməyib və istəmir
İran nüvə silahı əldə etmək istəməyib və heç vaxt da istəməyəcək.
Crossmedia.az xəbər verir ki, İran prezidenti Məsud Pezeşkian BMT Baş Assambleyasında çıxışı zamanı bildirib.
O, əlavə edib ki, İran “həmişə kütləvi qırğın silahlarından azad Yaxın Şərqin tərəfdarı olub”.
İran lideri Rusiya- Ukrayna müharibəsinə də toxunub və ümidvar olduğunu bildirib ki, bu müharibəyə son qoymaq səyləri “Rusiya və Ukrayna arasında ədalətli və davamlı razılaşmaya gətirib çıxara bilər”.
Pezeşkian İranın Azərbaycan və Ermənistan arasında sülh prosesinə dəstəyini də qeyd edib: "İran sülh və sabitliyi dəstəkləyir. Biz hesab edirik ki, regionun və dünyanın gələcəyi əməkdaşlıq, etimad və qarşılıqlı inkişaf üzərində qurulmalıdır. Bu kontekstdə İran Azərbaycan və Ermənistan arasında sülh prosesini dəstəkləyir".
O, həmçinin əlavə edib ki, Tehran Səudiyyə Ərəbistanı ilə Pakistan arasında müdafiə ittifaqını da alqışlayır
10:21 25.09.2025
Oxunuş sayı: 2981
