Kanal 13: İsrail 12 günlük müharibəyə qədər Xameneyini öldürməyi nəzərdən keçirib
İsrailin Kanal 13 telekanalının məlumatına görə, iyunun 12-də Qüds yaxınlığındakı sığınacaqlardan birində təhlükəsizlik kabinetinin gizli iclası keçirilib.\
Crossmedia.az xəbər verir ki, iclasda İranın ali lideri Əli Xameneyinin öldürülməsi, İslam Respublikasında sabitliyin pozulması və Tehran əhslisinin şəhəri tərk etməyə məcbur edilməsi ehtimalları müzakirə olunub.
Xəbərdə bildirilir ki, bu görüş 12 günlük müharibə başlamazdan öncə İsrail hökuməti və hərbi rəsmilərinin iştirakı ilə keçirilib. Baş nazir Benyamin Netanyahu iclasda “Tarixi bir andayıq. Əgər tədbir görməsək, İran on minlərlə kiloqram nüvə partlayıcısı əldə edəcək və mövcudluğumuz təhlükə altına düşəcək” deyə bəyan edib.
Netanyahu, habelə, hücumların əsas hədəflərinin İranın nüvə alimləri və hökumətin komandanlıq mərkəzləri olduğunu vurğulayıb.
15:33 15.09.2025
Oxunuş sayı: 4702
