Ermənistan yeni milli təhlükəsizlik strategiyası işləməlidir
Ermənistanın Təhlükəsizlik Şurasının katibi Armen Qriqoryan bildirib ki, ölkə yeni regional reallıqları nəzərə alaraq milli təhlükəsizlik strategiyasını təkmilləşdirməlidir. Belə ki, onun sözlərinə görə bu, 8 avqustda Vaşinqtonda Azərbaycanla əldə edilən razılaşmalardan sonra Cənubi Qafqazda yaranan yeni vəziyyəti əhatə edir.
Crossmedia.az xəbər verir ki, bu barədə xarici KİV məlumat yayıb.
Qriqoryanın sözlərinə görə, 2020-ci ilin payızına qədər və sonrakı dövrdə Ermənistanda ümid edilən təhlükəsizlik sisteminin effektiv olmadığı ortaya çıxıb.
“Yeni təhlükəsizlik strategiyasından danışanda maraqlı bir məqam var: avqust ayı gələndə mətnin işlənməsinə başlamaq üçün 8 avqust oldu və deyə bilərik ki, Vaşinqton sammiti ümumilikdə təhlükəsizlik mühitimizi dəyişdi. Buna görə də bu məsələni müzakirə etməliyik”, – deyə Qriqoryan vurğulayıb.
Fatimə Məmmədova
14:32 15.09.2025
Oxunuş sayı: 5052
