Zaxarova: 13 rusiyalının azadlığı Moskva–Bakı münasibətlərinə təkan verə bilər
Rusiya Xarici İşlər Nazirliyinin rəsmi nümayəndəsi Mariya Zaxarova Şərq İqtisadi Forumu çərçivəsində keçirilən brifinqdə Azərbaycanda həbsdə olan 13 Rusiya vətəndaşının azad edilməsinin Moskva ilə Bakı arasında münasibətlərin normallaşması üçün vacib addım ola biləcəyini bildirib.
Crossmedia.az xarici KİV-ə istinadən xəbər verir ki, onun sözlərinə görə, bu məsələ avqustun 22-də Həştərxanda Rusiya–Azərbaycan hökumətlərarası iqtisadi əməkdaşlıq komissiyasının iclaslarında ətraflı müzakirə olunub.
Zaxarova həmçinin ATƏT-in Minsk qrupunun fəaliyyətinin dayandırılmasına münasibət bildirib. O qeyd edib ki, Rusiya tərəfi Avropa Təhlükəsizlik və Əməkdaşlıq Təşkilatının bu qərarını əsaslı və haqlı hesab edir:
“Bu addımı regiondakı köklü dəyişikliklər fonunda düzgün sayırıq. Minsk institutlarının fəaliyyətinə son qoymaq təşəbbüsü Azərbaycan və Ermənistana məxsusdur”.
Qeyd edək ki, Zaxarova münasibətlərin gərginləşməsinin əsas səbəbi hesab edilən rusiyalı hərbçilərin Azərbaycan təyyarəsini vurması və Yekaterinburqda hüquq-mühafizə orqanlarının zorakılıqları barədə açıqlama verməyib.
Niyaz Hacıyev
10:11 04.09.2025
Oxunuş sayı: 1569
