ABŞ-ın Ankaradakı səfiri Suriyadakı proseslərlə bağlı diqqətçəkən açıqlamalar verib
ABŞ-ın Ankaradakı səfiri Suriyadakı proseslərlə bağlı diqqətçəkən açıqlamalar verib.
Crossmedia.az Türkiyə KİV-nə istinadən xəbər verir ki, ABŞ-ın Ankaradakı səfiri və Suriya üzrə xüsusi nümayəndəsi Tom Barak Suriyadakı proseslərlə bağlı diqqətçəkən açıqlamalar verib.
Onun sözlərinə görə, Suriyada birlikdən başqa istənilən ssenariyə xaos demək olacaq.
"Biz prezident Əl-Şaraa güvənirik. Druzlar, kürdlər və ələvilər öz ölkələrinə sahib olmaq istəyirlər, lakin onların birlikdən başqa planları yoxdur. B planı xaosdur. Biz prezident Əl-Şaraanın hesabatlılığını və əhatəliliyini təmin edərək onu dəstəkləməliyik" dedi.
Barak Suriyadakı terror təşkilatlarını dəyərləndirərkən aydın siqnallar verib:
"Suriyada PKK, YPG və hər cür üç hərfli abbreviatura var... Hər üç hərfli akronim indi mənə nifrət edir. Üç hərfli sözlərdən qaçmağa çalışıram".
Barak həmçinin Türkiyə-ABŞ münasibətləri ilə bağlı da müsbət siqnallar verib:
"Türkiyə həmişə bizim etibarlı müttəfiqimiz olub. O, tez-tez səhv başa düşülür, lakin istənilən şəraitdə etibarlı dost olaraq qalır. Bundan əlavə, Türkiyə ABŞ-dan sonra NATO-ya ən böyük töhfə verən ölkədir".
Barak İsrailin Qəzzaya hücumları ilə bağlı suala isə təəccüblü cavab verib. O, İsrailin Yaxın Şərq sərhədlərinə əhəmiyyət vermədiyini vurğulayaraq deyib:
"İsrailin nəzərində Saykes-Picot razılaşmasının müəyyən etdiyi sərhədlər heç nə ifadə etmir. Onlar istədikləri yerdə, istədikləri zaman hərəkət edəcək və israilliləri qorumaq üçün əlindən gələni edəcəklər".
Elmir Heydərli
17:38 30.08.2025
Oxunuş sayı: 5166
