Xarici xəbərlər

Rostov vilayəti üzərində 13 dron məhv edilib

Ukraynaya məxsus azı 86 pilotsuz uçuş aparatı Rusiya regionları və Qara dəniz üzərində gecə saatlarında vurulub.

Rusiya Müdafiə Nazirliyinin məlumatına görə, hava hücumundan müdafiə sistemləri gecə saatlarında Rusiya regionları və Qara dəniz üzərində Ukraynaya məxsus cəmi 86 ədəd pilotsuz uçuş aparatını (PUA) aşkarlayaraq məhv edib.

Crossmedia.az TASS-a istinadən xəbər verir ki, nazirliyin açıqlamasında deyilir:

“29 avqust saat 21:00-dan 30 avqust saat 07:00-a qədər (Moskva vaxtı ilə) hava hücumundan müdafiə sistemləri növbə ərzində Ukraynaya məxsus 86 ədəd sabit qanadlı PUA-nı vurub və məhv edib. Bunlardan:

30-u Qara dəniz üzərində,

15-i Krım Respublikası ərazisi üzərində,

13-ü Rostov vilayəti üzərində,

11-i Krasnodar vilayəti üzərində,

5-i Bryansk vilayəti üzərində,

4-ü Belqorod vilayəti üzərində,

2-si Smolensk vilayəti üzərində,

2-si Kaluj vilayəti üzərində,

2-si Tver vilayəti üzərində,

1-i Tula vilayəti üzərində və

1-i Kursk vilayəti üzərində vurulub.”

Səbiyyə Zayirova