Mahmud Abbasa BMT Baş Assambleyasında iştirak üçün viza verilmədi
ABŞ Dövlət katibi Marko Rubio Fələstin lideri Mahmud Abbasa BMT Baş Assambleyasına qatılmaq üçün viza verilməməsi barədə qərar qəbul edib.
Crossmedia.az xarici mediaya istinadən bildirir ki, bu qərar yalnız Mahmud Abbası deyil, həmçinin Fələstin Azadlıq Təşkilatının (FAT) üzvləri və Fələstin administrasiyasının nümayəndələrini də əhatə edir. ABŞ tərəfindən atılan bu addım, Vaşinqtonun Fələstin rəhbərliyi ilə münasibətlərində yeni gərginlik mərhələsi kimi dəyərləndirilir.
Qeyd edək ki, BMT Baş Assambleyası hər il dünyanın müxtəlif ölkələrindən dövlət və hökumət başçılarının iştirakı ilə keçirilir. ABŞ isə tədbirin ev sahibi kimi xarici nümayəndələrə viza verilməsi məsələsində həlledici mövqeyə sahibdir. Bu dəfəki imtina isə beynəlxalq aləmdə diqqət çəkən qərarlardan biri olub.
09:22 30.08.2025
Oxunuş sayı: 1108
