Azərbaycan və Qazaxıstan Orta Dəhlizin inkişafını, logistika dəhlizlərinin rəqəmsallaşdırılmasını müzakirə ediblər
Azərbaycan və Qazaxıstan arasında nəqliyyat-logistika sahəsində əməkdaşlıq məsələləri müzakirə etdilib.
Crossmedi.az xəbər verir ki, bu barədə Azərbaycanın rəqəmsal inkişaf və nəqliyyat naziri Rəşad Nəbiyev "X" hesabında paylaşım edib.
"Ölkəmizdə səfərdə olan Qazaxıstan Respublikası Prezidentinin müşaviri Asel Janasova və "Qazaxıstan Dəmir Yolları" Milli Şirkətinin İdarə heyətinin sədri Talqat Aldıbergenov ilə görüşdük. Görüşdə avtomobil nəqliyyatı ilə yükdaşımalar, aviadaşımalar, gəmiqayırma sahəsində əməkdaşlıq məsələlərini müzakirə etdik.
Həmçinin Orta Dəhlizin inkişafı, limanların və logistika dəhlizlərinin rəqəmsallaşdırılması barədə fikir mübadiləsi apardıq", - deyə paylaşımda qeyd edilib.
17:21 06.08.2025
Oxunuş sayı: 6301
