Qəzzada 17 mindən çox məktəbli uşaq həlak olub
Fələstin Təhsil və Ali Təhsil Nazirliyi İsrailin 2023-cü ilin payızında Qəzza zolağında başladığı hərbi əməliyyatlardan bəri 17,175 məktəbyaşlı uşağın həyatını itirdiyini açıqlayıb.
Crossmedia.az xəbər verir ki, nazirliyin məlumatına görə, hava zərbələri və dağıntılar nəticəsində həmçinin 26,264 uşaq yaralanıb.
Eyni dövrdə İordan çayının qərb sahilində, Fələstin Muxtariyyətinin nəzarətində olan ərazilərdə İsrail hərbçiləri və polisi tərəfindən həyata keçirilən basqınlarda 140 yeniyetmə həlak olub, 927-si isə yaralanıb.
Bundan əlavə, Qəzza və İordan çayının qərb sahilində ümumilikdə 928 müəllim və təhsil işçisi öldürülüb, təxminən 4,500 nəfər isə yaralanıb. Demək olar ki, 200 müəllim də İsrail qüvvələri tərəfindən həbs olunub.
Mədinə Cəlilova
21:45 08.07.2025
Oxunuş sayı: 7733
