Xarici xəbərlər

Türkiyədə FETÖ əməliyyatı: Nazirlik əməkdaşları saxlanılıb

Ankara Baş Prokurorluğu Türkiyə Xarici İşlər Nazirliyində fəaliyyət göstərən FETÖ üzvlərinə qarşı istintaqa başlayıb.

İstintaq çərçivəsində FETÖ ilə əlaqədə şübhəli bilinən 25 nəfər barədə araşdırma aparılır. Onlardan 19-u artıq nazirlikdən uzaqlaşdırılmış keçmiş əməkdaşlardır. Digərləri – 4 nəfər nazirliyin hazırkı əməkdaşı və 2 nəfər digər qurumlarda çalışan şəxslərdir.

Crossmedia.az Türkiyə mətbuatına istinadən xəbər verir ki, onların saxlanılması üçün göstərişlər verilib, əməliyyatlar Ankara mərkəz olmaqla 8 vilayətdə davam etdirilir.

Qeyd edək ki, FETÖ 15 iyul 2016-cı il çevriliş cəhdindən sonra Türkiyə, Pakistan və Fars körfəzi ölkələrində terror təşkilatı kimi tanınıb. Təşkilatın lideri Fəthullah Gülən 2024-cü il oktyabrın 20-də ABŞ-də xəstəxanada vəfat edib.

Eyni zamanda Türkiyənin 30 vilayətində aparılan digər əməliyyat çərçivəsində FETÖ ilə əlaqədə şübhəli bilinən 156 nəfər saxlanılıb. Onlardan 56-sı hazırda Silahlı Qüvvələrin aktiv heyətində xidmət edən hərbi qulluqçulardır.

Mədinə Cəlilova

🖨 Çap et

21:05 08.07.2025

Oxunuş sayı: 857