Türkiyə XİN: “Biz İrana nüvə danışıqlarının bərpası ilə bağlı ABŞ-nin mövqeyini bildirdik”
Türkiyənin xarici işlər naziri Hakan Fidan İranın nüvə proqramı ilə bağlı danışıqların yenidən başlanması istiqamətində diplomatik təşəbbüslər barədə açıqlama verib. Nazir bildirib ki, Vaşinqtonun məsələ ilə bağlı mövqeyi artıq İranın hakimiyyət orqanlarına çatdırılıb.
Bu barədə Crossmedia.az bildirir.
“İranın nüvə danışıqlarının bərpası növbəti diplomatik addım olacaq. Biz bu barədə ABŞ-nin rəsmi mövqeyini həm İqtisadi Əməkdaşlıq Təşkilatının Xankəndində keçirilən sammitində, həm də BRİKS sammiti çərçivəsində İran tərəfinə çatdırmağa nail olduq”, – deyə Fidan qeyd edib.
Nazirin sözlərinə görə, Türkiyə bölgədə sabitlik və dialoqun qorunması üçün vasitəçilik rolunu davam etdirməyə hazırdır.
17:40 08.07.2025
Oxunuş sayı: 7008
