Dərbəndə yaxın bölgədə kütləvi zəhərlənmə: 110 nəfər xəstəxanaya yerləşdirilib
Rusiyanın Dağıstan Respublikasının Azərbaycanla sərhəddə yerləşən Maqaramkənd rayonunda 110 nəfər bağırsaq infeksiyası əlamətləri ilə xəstəxanaya yerləşdirilib. Onların əksəriyyəti uşaqlardır.
Crossmedia.az xarici mediaya istinadən bildirir ki, zəhərlənməyə səbəb kimi içməli su göstərilir. Yoluxma halları Maqaramkənd, Kuysun, Qilyar, Qaptsax və Yuxarı Tağirkənd kəndlərində qeydə alınıb.
Hazırda xəstələrin vəziyyəti nəzarət altındadır. Yerli səhiyyə orqanları içməli sudan nümunələr götürərək laborator müayinəyə göndəriblər. İnfeksiyanın mənbəyini müəyyən etmək üçün araşdırmalar davam etdirilir.
Qeyd edək ki, son günlər bu bölgədə anomal isti hava şəraiti müşahidə olunur ki, bu da su mənbələrinin çirklənməsinə səbəb ola bilər. Rəsmilər əhaliyə qaynadılmış sudan istifadə etməyi tövsiyə edirlər.
Fatimə Nəbiyeva
11:53 08.07.2025
Oxunuş sayı: 4683
