Ermənistanda “Elektrosit” şirkətinin rəhbərinin evində və ofisində axtarış aparılır
Ermənistanda hüquq-mühafizə orqanları bu gün səhər tezdən “Elseti” şirkətinin Direktorlar Şurasının sədri Narek Karapetyanın evinə gəlib və hazırda axtarışlar aparılır. Bu barədə “Qraparak” qəzeti məlumat yayıb. Qeyd edək ki, Narek Karapetyan bir müddət əvvəl həbs olunan “Tashir” Qrupunun sahibi Samvel Karapetyanın qardaşı oğludur.
Crossmedia.az xarici mediaya istinadən bildirir ki, hüquq-mühafizə orqanlarının əməkdaşları saat 8-dən etibarən “Ermənistan Elektrik Şəbəkələri” ASC-nin ofisində də araşdırma aparırlar. Şirkətin mətbuat xidmətinin yaydığı məlumata əsasən, işçilərin binaya daxil olmasına icazə verilmir.
Xatırladaq ki, bir müddət əvvəl Ermənistan parlamenti “Ermənistan Elektrik Şəbəkələri”nin dövlətləşdirilməsinə imkan verən qanun dəyişikliklərini qəbul edib. Hal-hazırda bu şirkət “Tashir” Qrupuna məxsusdur. Qrupun sahibi Samvel Karapetyan isə hakimiyyətin Ermənistan Apostol Kilsəsinə qarşı tənqidləri fonunda kilsəyə açıq dəstək verdikdən sonra həbs olunmuşdu. Analitiklər hesab edirlər ki, bu hadisələr ölkədə siyasi gərginliyin artdığını göstərir.
Fatimə Nəbiyeva
10:35 08.07.2025
Oxunuş sayı: 8511
