Ukrayna dron istehsalını bir il ərzində 900% artırıb
Ukrayna son bir ildə pilotsuz uçuş aparatlarının (PUA) istehsalında kəskin artıma nail olub. Belə ki, 2024-cü ilin ortalarında ayda təxminən 20 min dron istehsal edən Ukrayna, hazırda bu göstəricini on dəfədən çox artıraraq aylıq 200 mindən çox dron istehsal edir. Bu isə illik 2.4 milyon dron deməkdir.
Crossmedia.az xarici mediaya istinadən bildirir ki, Ukraynanın bu qədər sürətlə istehsal gücünü artırması ölkənin müdafiə sənayesində aparılan islahatlar və müharibə şəraitində texnologiyaya yönəlik strateji planlaşdırma ilə əlaqələndirilir. Mütəxəssislər bildirirlər ki, bu dinamika Ukraynanın Rusiya ilə davam edən müharibədə üstünlük qazanmaq üçün texnoloji imkanlarını genişləndirmək niyyətindən irəli gəlir.
Qeyd edək ki, Ukrayna son dövrlərdə həm daxili istehsal güclərini artırmaq, həm də özəl sektorun müdafiə sahəsinə cəlb olunması istiqamətində ciddi addımlar atır. Dronların istehsalının sürətlə artması isə ölkənin hava kəşfiyyatı və hücum əməliyyatlarında daha çevik və effektiv olmasına şərait yaradır.
Fatimə Nəbiyeva
10:30 08.07.2025
Oxunuş sayı: 7332
