Bəxtiyar Vahabzadənin 100 illiyi münasibəti ilə qiraət müsabiqəsi keçiriləcək
Azərbaycan Yazıçılar Birliyi və Azərbaycan İncəsənət Məktəbinin birgə təşkilatçılığı ilə Xalq şairi Bəxtiyar Vahabzadənin 100 illik yubileyi münasibətilə “Ana Dili” adlı qiraət müsabiqəsi keçiriləcək.
Layihənin əsas məqsədi Azərbaycan dilinin gözəlliyini və zənginliyini gənc nəslə daha dərindən tanıtmaq, onları ədəbi irsimiz və poeziyamızla yaxından tanış etməkdir. Bununla yanaşı, uşaq, yeniyetmə və gənclərin bədii qiraət, səhnə mədəniyyəti və yaradıcı ifadə bacarıqlarının inkişaf etdirilməsi, gənc nəslin ədəbi düşüncə tərzi və estetik zövqünün formalaşdırılması, eləcə də milli dəyərlərə bağlı, yaradıcı və düşünən gəncliyin yetişdirilməsi məqsədilə bu kimi layihələrin təşkilinə xüsusi önəm verilir.
Müsabiqənin sonunda çıxış edən iştirakçılar arasından ən yaxşı bədii qiraət nümayiş etdirən I, II və III yerin qalibləri kubok, diplom və xüsusi hədiyyələrlə təltif olunacaq. Digər bütün iştirakçılara isə iştirakçı sertifikatı təqdim ediləcək.
Müsabiqəyə qeydiyyat 1 sentyabr 2025-ci il tarixinədək davam edəcək.
Ayan Sədi
18:13 06.07.2025
Oxunuş sayı: 14254
