İsrail ordusu açıqladı: İranın 30 PUA- sını məhv etdik
İsrail ordusu ötən gecə ərzində İran tərəfindən buraxılmış 30 pilotsuz uçuş aparatını (PUA) ələ keçirib və məhv etdiyini bildirib. Bu barədə İsrail Müdafiə Qüvvələrinin (CAXAL) rəsmi nümayəndəsi, polkovnik Nadav Şoşani məlumat verib.
Crossmedia.az xarici mətbuata istinadən xəbər verir ki, onun sözlərinə görə, İran həmçinin bir neçə ballistik raket də buraxıb, lakin onların dəqiq sayı açıqlanmayıb.
“Ötən gecə İranın hücumlarına başladığı vaxtdan bəri ən az dağıdıcı gecə oldu,” – deyə Şoşani vurğulayıb.
CAXAL-ın məlumatına görə, cavab olaraq İsrail Hərbi Hava Qüvvələri İranın qərbindəki hərbi obyektlərə bir neçə genişmiqyaslı zərbə endirib. Hədəflər arasında ballistik raketlərin saxlanması və buraxılması üçün nəzərdə tutulmuş anbarlar və qurğular, eləcə də pilotsuz uçuş aparatları üçün infrastruktur olub.
Yerli İran rəsmiləri bildiriblər ki, hava hücumundan müdafiə sistemi Natanz atom obyektinin yaxınlığında İsrailə məxsus bir PUA-nı vurub. Lakin CAXAL bu məlumatı təkzib edib. Şoşaninin sözlərinə görə, bütün İsrail uçuş aparatları təhlükəsiz şəkildə bazalara qayıdıb.
Pərvin Hacıyeva
13:10 17.06.2025
Oxunuş sayı: 962
