Kremldən təklif: İrandan gətirilən uran Rusiyada saxlanılsın
Yaxın Şərqdə İran və İsrail arasında silahlı toqquşmaların artdığı bir vaxtda, Kreml bölgədə gərginliyin azaldılması üçün vasitəçiliyə hazır olduğunu bildirib.
Crossmedia.az xarici mediaya istinadən bildirir ki, Rusiya Prezidentinin mətbuat katibi Dmitri Peskov İrandan gətirilən uranın Rusiyada saxlanması təklifinin qüvvədə qaldığını deyib. Onun sözlərinə görə, bu ideya “masada qalır”, lakin hazırkı hərbi eskalasiya prosesi çətinləşdirir.
Peskov əlavə edib ki, Moskva böhranın əsas səbəblərini aradan qaldırmaq üçün bütün diplomatik imkanlardan istifadə etməyə hazırdır və İranla İsraillə təmasları davam etdirir.
Kreml, İsrailin hücumları nəticəsində İranda cəmiyyətin daha da birləşdiyini vurğulayıb. Rusiya bu gərginliyə səbəb olan bütün hərbi addımları pisləyir və münaqişənin yalnız danışıqlar yolu ilə həll olunacağını bildirir.
Peskov, Netanyahunun rejim dəyişikliyi ilə bağlı bəyanatına da münasibət bildirib: "Bu cür açıqlamalar vəziyyəti yalnız daha da gərginləşdirir".
Zəhra Ağayeva
15:38 16.06.2025
Oxunuş sayı: 9319
