Tramp İsrail-İran gərginliyinə dair danışdı: “Sülh mümkündür, razılaşacağıq”
ABŞ Prezidenti Donald Tramp İran və İsrail arasında artan gərginliklə bağlı mediaya açıqlama verərək, münaqişənin diplomatik yolla həll olunacağına inamını ifadə edib.
Crossmedia.az xarici mediaya istinadən bildirir ki, Tramp “Truth Social” platformasında paylaşdığı mesajda qeyd edib ki, hazırda tərəflər arasında intensiv danışıqlar və görüşlər aparılır və o, bu müzakirələrin yaxın vaxtlarda sülh razılaşmasına gətirib çıxaracağına inanır. Tramp keçmişdə Hindistan və Pakistan arasında, eləcə də Serbiya ilə Kosovo arasında uzun sürən münaqişələrin həllində ABŞ-ın vasitəçiliyinin müsbət nəticələr verdiyini vurğulayıb.
“İran və İsrail, Hindistan və Pakistan nümunəsində olduğu kimi, ABŞ vasitəsilə səmərəli danışıqlara oturmalı, məntiq və sağlam düşüncə ilə vəziyyəti sülh yolu ilə həll etməlidirlər”, — deyə Tramp bildirib. O, həmçinin digər regional münaqişələrdə də, o cümlədən Misir və Efiopiya arasında Nil çayı üzərindəki gərginlikdə ABŞ- ninvasitəçiliyinin faydalı olduğunu qeyd edib.
İsrailin Baş naziri Benyamin Netanyahu isə İranın hava hücumlarında mülki vətəndaşların həlak olması ilə bağlı sərt xəbərdarlıq etmiş, İran prezidenti Məsud Pezeşkian isə İsrailin hücumları davam edərsə, daha sərt və güclü cavab veriləcəyini bəyan etmişdi.
Zəhra Ağayeva
13:23 16.06.2025
Oxunuş sayı: 8688
