Madurodan İsrailə sərt reaksiya: “21-ci əsrin Hitlerinə qarşı susqunluq davam edir”
Venezuela Prezidenti Nikolas Maduro İsrailin son hücumlarını qınayaraq, İranla tam həmrəy olduqlarını bəyan edib.
Crosamedia.az xəbər verir ki, Dövlət televiziyası VTV-yə açıqlama verən Maduro, iyunun 13-də İsrailin İranda müxtəlif şəhərlərdə yerləşən nüvə obyektləri və hərbi komanda strukturlarını hədəf almasına sərt reaksiya göstərib.
“İran, Fələstin, Suriya, Livan, Yəmən və bütün müsəlman, ərəb xalqları ilə tam həmrəyliyimizi qəti şəkildə təsdiq edirik”, – deyə o bildirib.
İsrail baş naziri Benyamin Netanyahunun “dəli addımlarının” dayandırılması çağırışını edən Maduro əlavə edib:
“Qəzzada, İordan çayının qərb sahilində fələstinlilərə qarşı soyqırıma icazə verildi və buna susdular. Onlara silah verdilər, pul verdilər, təyyarə, raket verdilər – minlərlə uşaq, qadın, kişi və yaşlını öldürmək üçün”.
Maduro, BMT-ni də tənqid edərək deyib:
“BMT-nin bütün qurumları Qəzza zolağında evlərin, məktəblərin, məscidlərin və xəstəxanaların 80 faizinin dağıdılmasına susdu. İndi də üzünüzü başqa tərəfəmi döndərəcəksiniz? Berlin nə deyir, Paris nə deyir, London nə deyir, Vaşinqton nə deyir? 21-ci əsrin Hitlerinə qarşı susqunluq davam edərkən, indi də İran xalqımı hədəf seçilib?”
Mədinə Cəlilova
17:30 15.06.2025
Oxunuş sayı: 9028
