Türkiyə prezidenti İsraili bölgə üçün təhdid adlandırdı
İsraillə İran arasında artan gərginlik fonunda Türkiyə Prezidenti Rəcəb Tayyib Ərdoğan ilə İran Prezidenti Məsud Pezeşkian arasında telefon danışığı baş tutub. Danışıq zamanı Ərdoğan İsrailin hücumlarının bölgəni genişmiqyaslı qarşıdurmaya sürükləmək məqsədi daşıdığını bildirib.
Türkiyə lideri vurğulayıb ki, İsrail hazırda dünyanın diqqətini Qəzza zolağındakı vəziyyətdən yayındırmağa və nüvə danışıqlarını sabotaj etməyə çalışır.
Ərdoğan bundan əvvəl Səudiyyə Ərəbistanı, İordaniya və Misir liderləri ilə də telefon danışıqları aparıb. O, region ölkələrinin başçıları ilə söhbətində İsraili Yaxın Şərqdə sabitlik və təhlükəsizliyə ən böyük təhdid kimi xarakterizə edib. Prezident həmçinin xəbərdarlıq edib ki, İran-İsrail arasında yeni müharibə bölgədə qeyri-qanuni miqrasiya dalğalarına səbəb ola bilər və nüvə problemi yalnız diplomatik danışıqlar yolu ilə həll edilməlidir.
08:41 15.06.2025
Oxunuş sayı: 953
